J. H. A. Sens: Admonvoko(esperanto) - admonvoko.htm

J. H. A. Sens

Admonvoko

Sur la stratoj la soldatoj
Marŝas gaje al batalo -
­Ridetante, ne pensante
Al malica la fatalo,

Al la gloro, al honoro!
Estas sola la deziro -
­Por patrio kaj por Dio!
Krias ili en deliro.

Kaj l' armeo sur ŝoseo
Marŝas brue en la polvo -
­ Al diskutoj kaj disputoj
Fine per ĝi venos solvo.

Registaroj per deklaroj
Ĉiuj volas nur la veron -
Diplomatoj de la ŝtatoj
Pli implikas la aferon.

Nun la sonoj de l'kanonoj
Tondras ĉe la horizonto -
­La respondo al la mondo
Pri la disputata honto.

Homamaso post frakaso
Kuŝas dense sur la tero -
La viktimo de la krimo
Pro fuŝado de la vero,

Kaj la buŝo en kortuŝo
Restas muta sen parolo
Pri la ĝemoj, angortremoj
De senhulpa la popolo.

Ho, popolo! ĉu parolo
Povas pentri la mizeron
De milito sen profito
Perturbanta nian teron?

Ho, vekiĝu kaj leviĝu
Ĉie, kie batas koro!
Agu ĉiam he neniam
Reaperu tiu horo,

Notoj
J. H. A. Sens, ni ne havas informojn pri li, sed eble li estas nederlandano.
El: Heroldo de Esperanto, Belgio.
N-ro 35 (1040), 20-a jarkolekto, 1-an de decembro 1939.
Redaktoro: Teo Jung.