Esperanto Literaturo
Poezio


Dinah Maria Mulock Craik:

Amikeco

Ho, la konsolo, - la neesprimebla konsolo
senti sin sekura kun unu homo!

Ne bezoni mezuri la pensojn kaj vortojn,
sed elverŝi ilin, senrezerve,
ĝuste tiel, kiel ili venas:
greno kaj ŝelo kune ....

Kaj esti certa, ke fidela mano
kaptos kaj kribros ilin,
kaj tenos, kio estas teninda, -
kaj per la spiro de la amo
forblovos la reston ....

Notoj
Dinah Maria Mulock Craik (20.4.1826 - 12.10.1887), angla novelisto kaj poeto.
(Ni ne scias la nomon de la tradukanto!).
Poemo el: La Praktiko, num. 12 (134), decembro 1948.


(Post via legado de la paĝo:) - Nun al: Klaku: Novaj paĝoj:
La tuta enhavo de la paĝoj: ...aŭ... Niaj hejmpaĝoj:
...aŭ... Nia adreso: