Ho, aŭdu, ĉu pro kant-jubil'
doloro nun ekmutas?
Ho ne ... ho jes ... mi birda tril'
de l'hejmarbar' salutas.

Mi iris for, foli-purpur'
ornamis teron tiam ...
De tiu tempo regas nur
min jena penso: kiam?

Ĉi penso iĝis cel' por mi,
pli plaĉis fremda neĝo,
se hejmen super la glaci'
transflugis mia preĝo.

Ĉu najtingal' de sur padus'
eklogas min per kanto?
Ho ne ... ho jes: mi sentis ĵus
alspiron de l'hejmlando.