Friedrich Hahn: Deziro-Amo-Konsilo-Lumrigardo. (esperanto) - hahn.htm

Friedrich Hahn:

Deziro
Amo
Konsilo.
Lumrigardo

Amo regu super ĉio!
Akrostiko, dediĉita al Cecelia P. Thomas.

Celon altan ni aliru,
Elektitan per la koro.
Celon indan ni defendu
En penplena eĉ laboro.

Laŭtavoce ni elvoku
Inter homoj en sufero:
Amo regu super ĉio!
Paco estu sur la Tero!

Tedajn barojn ni forigu,
Homoj ĉiuj iĝu fratoj!
Ord' de l' mond' al ni utilu.
Malgraŭ malhelpaĵoj ligu
Amo nin en homrilatoj. -
Suno de la Ĝojo brilu!

Lumrigardo

Ĉu vi ne konas tiujn horojn,
En kiuj vi, ekstaze de sur monto,
Malsupren vidas en la valon,
Venka hero', ĉe freŝa' ĝojofonto?

Dum vin sorĉumas mil sekretoj,
Neniiĝantaj estas temp' kaj spaco;
Ĉielsenditoj vin kondukas
En la sanktejon de eterna paco!

Ĉu do ne estas rekompenco
Por ĉiuj larmoj tiu granda sento?
Eterne brilos tiu ĝojosuno,
Eterne vivos tiu ĉi momento!

Konsilo

Al la lumo direktadu
Vojon kaj rigardon.
En la Universo vidu
La eternan ardon.

Majesteco grandioza
Forte vin influu.
Tamen: starigante domon,
Sur la ter' konstruu!

Deziro

Dum promeno
­Je mateno
Ĝojis mia koro:
Mute, el ĝardeno,
Min salutis flora.

Do, mi restis,
Ĉar mi estis
Plena je admiro.
Tamen tuj ekestis
En la kor' deziro.

Flor' beleta,
Ĝojopreta
Kreitaĵo Dia,
Jen dezir' sekreta:
Floro, estu mia!

Notoj

Friedrich Hahn:, 28.12.1753 - 30.5.1779, lirika germana poeto.
Tradukanto ? - Ni ne havas informojn...
El: Heroldo de Esperanto,
...La poemo:
Deziro: N-ro 7 (1085), 24-a jarkolekto, 1-an de aprilo 1948.
Amo: N-ro 10 (1088), 24-a jarkolekto, 16-an de majo 1948.
Konsilo: N-ro 12 (1090), 24-a jarkolekto, 1-an de julio 1948.
Lumrigardo: Specimena eldono, 17-a jarkolekto, februaro 1936.