Heinrich Bungart: Juna amo (esperanto)

Heinrich Bungart: Juna amo (esperanto) - junaamo.htm.htm

Heinrich Bungart Juna amo (Schön Elschen sass am Fenster Por miksita ĥoro...) Tradukisto: Karl Giessmann, Krefeld.

Elinjo ĉe fenestro
Ekbrodis kun pasi',
Sur frunto ses bukletojn,
Sur ĉiu flanko tri.
Junulo ame arda
Alvenis kun graci',
Sur lipo ses haretojn,
Sur ĉiu flanko tri.
Jam baldaŭ plej fervore
Koketis li kaj ŝi.
Li markis ses kisetojn,
Sur ĉiun flankon tri.
La patro vidis tion,
Indigne diris: "fi!"
Ses donis al junulo,
Sur ĉiun flankon tri.

Notoj
Heinrich Bungart (ni ne havas informojn pri li.) germano. El: Esperanto-Mondo 1-a jaro: n-ro 1, julio 1927. Redaktejo: L. Dederichs, Hannover, Germanio.

Tradukisto: Karl Giessmann, Krefeld.