František Ladislau Čelakowsky: Larmoj kaj sopiroj (esperanto) - larmoj.htm

František Ladislau Čelakowsky:

Larmoj kaj sopiroj
(El: Diverskolora Bukedeto)

Trad. Fr. V. Lorenz.

Se mi kunigus la larmojn
ĉiujn, ho amato,
kiujn verŝi jam pro vi
igis min la fato:
ili inundus la kampojn
ĉirkaŭ nia strato.
Se mi, amatino, ĉiujn
kunigus sopirojn,
kiujn mia kor' pro vi
metis en la spirojn:
ili eksonigus ĉiujn
urbajn sonorilojn.
Notoj

František Ladislau Čelakowsky: (1799 - 1852)
ĉeĥa poeto.
El: Heroldo de Esperanto, Antwerpen, Belgio.
N-ro 5 (1054), 22-a jarkolekto, 15-an de septembro 1946.- Red. Teo Jung.