J. D. Applebaum: Lulkanto - Al la Veteranoj(esperanto) - lulkanto.htm

J. D. Applebaum:

Lulkanto - Al la Veteranoj.

Dormu karega infan'.
Via patrina la man'
Lulas vin ame kaj ŝi
Kantas lulkanton por vi.
Dolĉa kaf paca trankvil'.
Regu sur via lulil'.
Kaj post benata ripoz'
Freŝa vekiĝu la roz'.
Vekiĝu la roz'.

Ĉio jam dormas ja nun,
Sub la ĉielo kaj lun'.
Floroj kaj tuta birdar'
Kune nun en la kampar'.
Sonĝas en dolĉharmoni'.
Fermu okulojn do vi!
Kaj en lulilo vi jen
Dormu ĝis morgaŭ maten'.
Morgaŭ maten'.

(Kantebla laŭ melodio de Mozart).

Al la Veteranoj.

Ĉu vi memoras la tagojn pasintajn,
Kiam vi estis pli junaj ol nun?
Kiam la pensoj surgrimpis la pintojn
De idealoj kaj celis al sun'?

Se vi kapablas elstreĉi memoron
Tiadistance sur vojo de l' vivo,
Metu kun ĝojo la manon sur koron!
Vi estas nun en juneca arkivo.

Notoj

Applebaum, Jakob David 1877-1964. Hebreo, komercisto.
Naskiĝis en MszĈonów, Pollando. Rotariano, pacifisto.
De 1900 vivis en Britio, igis brita civitano.
Esperantistiĝis en 1909. Movade aktivis kaj havis
multajn oficojn en BEA. Iniciatinto kaj sekretario
de "Zamenhofa Monumento". Abunde verkis poemojn spritajn
kaj seriozajn. Tradukis Struvelpetro, Barono Munchausen k.a.
Kunlaboris en "Literatura Mondo", "Heroldo" k.a. gazetoj.
Verkoj:
Jozefo (drama poemo en 4 aktoj kaj epilogo, bazita sur la biblia rakonto).
Lulkanto el: The Esperanto Monthly, London, n-ro 77, majo 1919.
Al la Veteranoj el: Heroldo de Esperanto, n-ro 10 (1324), 25-an de aŭgusto 1961.