I
Vintra nokto.

Blanke ŝvebas la nebulo,
Spiro de l'silent' obtuza.
Paŝ' post paŝ', sur blanka bulo
ŝtelas sin la vulpo ruza.

Neĝo sfinksa, nokta blanko -
Kalve preĝas branĉ' ekmuĝa -
­Vane'. Kri'. Stertora sango -
Sur la neĝ': Vaporo ruĝa.

II
Vespera espero

Silenta strat' ĉe nigra bordo,
Muzikas mi sur plora kordo
Antaŭ la pordo.
Ŝlosita pord', hundboj' kaj mordo.
Mi iras for'.
Muzikdemando, boj-respondo,
Esperon mokas susura ondo.
Vagadas krede ia vagabondo
En nokta mondo ...
En nokta mondo ...