Antonio Fogazzaro: Miranda (esperanto) - miranda.htm

Antonio Fogazzaro
Miranda.

Tradukisto: Oscar Bünemann

Kiam ĉirkaŭas min danco pasia kaj bela,
kiam laŭtege sonas bruado festena,
mia animo en sia kaŝejo malhela
je vi, je vi, nur je vi estas plena.

Min frapu per perfido kalumnia
aŭ per suferoj sorto senkompata;
en fundo povos esti koro mia
de vi, de vi, nur de vi disbatata!

Notoj

Antonio Fogazzaro (25.3.1842 - 7.3.1911)
itala poemo.
El: Esperanto - (U.E.A.), Genève.
22-a jaro, n-ro 311 (7), julio 1926.