Alice Nahon: Vespera Kanteto (esperanto) - nahon.htm

Alice Nahon

Vespera Kanteto

Tradukis: H. Vermuyten

Ho estas bone l' propran koron
Esplori antaŭ l' dormo, pri -
Ĉu de tagiĝo ĝis vespera
Neniun koron vundis mi;

Ĉu ne plorigis mi okulojn,
Melankolion vekis, ĉu
Mi diris al senamaj homoj
Ian vorteton aman plu.

Trovinte en mia kor-domo,
Ke mi sanigis per dolĉec'
Malĝojon unu, ĉirkaŭvolvis
Perbrake kapon en solec' ...

Jen sentas miaj junaj lipoj
Ĉi bonon - kison por noktben' ...
.................................
Ho estas bone l' propran koron
Esplori ĝis la dormoven'.

Notoj

Alice Nahon, flandra poetino, 1895 - 1933.
El: Heroldo de Esperanto, Bruselo 1, Belgio.
N-ro 12 (1362), 39-a jarkolekto, 16-an de julio 1963.
Redaktoro: Ada Fighiera-Sikorska.