Kie la spirito estas sen timo
. . . . . .kaj la kapo levita alten,
Kie la scio estas libera,
Kie la mondo ne estas dividita
. . . . . .en partojn pere de internaj muroj,
Kie la vortoj venas el la profundeco de la vero,
Kie senlaca klopodado
. . . . . .etendas la brakojn al la perfekteco,
Kie la klara rivereto de la racio
. . . . . .ne perdis sian vojon en la
. . . . . .senfrukta dezerta sablo de sklava kutimo,
Kie la spirito estas gvidata
. . . . . .de Vi al ĉiam pli larĝa penso kaj agado —

En tiu ĉielo de libereco, Patro mia,
. . . . . .mia lando vekiĝu.