Anatolij Parpará: Forkuri! (esperanto) - prisvina.htm

Anatolij Parpará
Forkuri!

Tradukisto:
Aleksandr Logvin - (el la rusa).

Forkuri! De la urbo for,
de stratasfalto polvoplena,
de aŭtofumo abomena,
por fuĝi de l'animangor'.
Aperi en azil' de maj'
­inter verdaĵo silkvelura,
sin ĵeti al la sin' natura,
sur ĝermoj levi sin en gaj',
enspiri freŝon de viglec'
kaj kvazaŭ el revelacio
kompreni fine: estas kio
vivosenco kaj vantec'.

Notoj
La poemo estas dediĉita al V. D. Priŝvina - kiu estis vidvino de la fama rusa verkisto M. M. Priŝvin, talenta kantisto pri la naturo.
Anatolij Parpará (... ni ne havas informojn pri la poeto).
El: Heroldo de Esperanto, Belgio.
N-ro 14 (1441), 43-a jarkolekto, 16-an de oktobro 1967.
Redaktoro: Ada Fighiera-Sikorska.