En la sudo de Saharo
ĉe la koro de Afriko,
laŭte trilas la fanfaro,
eĥas la tam-tam muziko.

En la stepo kaj arbaro,
en ĝangalo de l'tropiko,
post la dormo de miljaro,
levas kapon hom-fortiko.

Gaje kantas junularo:
"Jen la tago de l'Afriko!"
Fest-salutoj en bambaro,
ovacias la publiko.

Multkoloras bubu-aro
antikv-moda la tuniko.
Supre en la ĉiel-klaro
svingas flag' de l'respubliko.

Al la nova ŝtat' ekstaro,
por progreso kaj efiko,
portas el la mond-bazaro,
fratan helpon la amiko:.

Plena mano da dolaroj -
­el la Norda Ameriko,
bril-ridanta okulparo
el Ĉinia respubliko.

Jen alvenas la bulgaro
­fosas teron por tritiko,
de la landoj trans la maro
­specialistoj pri tekniklo.

Vivas kreskas la tendaro,
svarmas kvazaŭ ĉe formiko,
nun singardu la bonfaro,
per mondpaca politiko.

---

Tam-tam - tamburo
Bambaro - loka dialekto
Bubu - supervesto

---