Ne de l' judar', Jesu', Vi estis krucumata,
Nek perfidata ĉe l' juĝist' per kalumni',
Nek alkraĉata en malamo kaj malpi',
Nek katenata kaj malice kontuzata;

Kaj ne la soldatar' per mano senkompata
La kanon kaj martelon levis kontraŭ Vi,
Aŭ ekstarigis la filignon ĉe l' Krani' *)
Aŭ interŝanĝis pri la vesto kubludata.

Mi ĉion ĉi, Sinjor', al Vi misfaris mem:
Mi estas mem la ŝnur' de ĉirkaŭ brakoj Viaj,
La najloj kaj la lanc', la skurĝo kun la frap'
Kaj la vundiga kron', ho, ve, sur Via kap'.

Okazis ĉio ĉi ja nur pro pekoj miaj.

---

*) La Kranio = (hebree) Golgotha,