La mar' furiozas hodiaŭ.
Venteg' brue muĝas en fjordoj,
rompiĝas mastoj, krevas la kordoj,
la ŝipo sencele krozas ...
...hodiaŭ la mar' furiozas ...

Funebre sonoras la buo...
Helpkri' - - -
Ho! - ne venas respondoj ­-
- maristo streĉe luktas kun ondoj...
...stertoras...
Ĉu venkos?
- - eble ...
... la buo sonoras funebre ...

* * *

La maro nun estas trankvila,
ne vipas venteg' plu la fjordojn.
- nur por marist' funebrajn agordojn
grakkrias la blanka laro - -

Trankvila nun estas la maro...