Maria Mozdzen: Vero (esperanto) - vero.htm

Maria Mozdzen:

Vero
(... al mia edzo...)

Ne pri steloj,
pri rivero - spegulo de steloj
diru al mi nun!
Pri ĉielo
mi jam scias: kosma karuselo
kun mortinta lun'.

Nur la tero,
kvankam griza, povra -
­sed konata,

proksima al ni
estas vero.
Mi sopiras al vero, amata,
diru do pri ĝi...

Notoj
Maria Mozdzen - ni ne havas informojn pri ŝi.
El: Heroldo de Esperanto, Bruselo 1, Belgio.
N-ro 4 (1354), 39-a jarkolekto, 1-an de marto 1963.
Redaktoro: Ada Fighiera-Sikorska.