F. W. Hipsley: Vivon al mi donas Dio. vivon.htm

F. W. Hipsley

Vivon al mi donas Dio.

Vivon al mi donas Dio,
Kaj abunda estas ĝi;
Restas mi en harmonio
Kaj la serenec' de Di'.

Sanon al mi donas Dio,
Kaj perfekta estas ĝi;
Min vibrigas malenvio
Kaj la plensanec' de Di'.

Forton al mi donas Dio,
Kaj potenca estas ĝi;
Min instigas energio
Kaj tre bona estas ĝi;

Ĉion al mi donas Dio,
Kaj tre bona estas ĝi;
Vivo, sano, forto, ĉio
Apartenas nur al Di'.

Notoj
F. W. Hipsley, Britio. Li skribis multajn verkojn pri religiaj temoj.
La poemo estas el: La Praktiko, n-ro 11-12 (181-182), 16-a jaro, novembro-decembro 1952.


(Post via legado de la paĝo:) - Nun al: Klaku: Novaj paĝoj:
La tuta enhavo de la paĝoj: ...aŭ... Niaj hejmpaĝoj:
...aŭ... Nia adreso: